Целта на расправата беше да се анализираат предностите и предизвиците при практичната примена на Законот за одмерување на видот и одредување на висината на казната во насока на воедначување на казнената политика, како и примената на алтернативните мерки во судската практика на Република Македонија. Учество на расправата зедоа домашни и странски експерти (универзитетски професори и практичари), кои преку дебата со релевантни правни практичари и претставници од правосудството подготвија препораки и предлози од конференцијата. Исто така по завршувањето на научната и стручна расправа, а со цел подигнување на свеста кај експертската јавност во однос на овие прашања, ќе биде издаден нов број од Македонската ревија за казнено право и криминологија.